Помоги проекту - поделись книгой:
Не бойся ти, человече, будешь ти все добро. — Рече пророк Иона: человече, примеши от Бога радость, многим врагом восстающим на тя. Не успеют ти ничтоже зло сотворяти не смогут. Бог от врагов избавит тя. Добро дело се.
Исповедайся Богу, добро ти будет. — Рече Господь человеку: время твое добро будет; пути гладки, по ним же не имаши спора; несть ти спора, ни супостата врага; добро ти будет. Бог тебе на помощь.
От печали радость будет ти; добро есть дело сие. — Рече Господь человеку: благословящих ти множество, уповающих на тя; исполни домы твоя вина, и елея, и пшеницы.
Добро есть орудие твое; збудется в радость добро. — Рече Господь: человече не веси ли яко аз пекуся тобою, а ты не сохраняешь заповеди мои и наказания, имаше наследити добро. Молися Богу. Бог тебе на помощь.
Тяжко дело, несть на пользу и на путь. — Тьма наступает и свет померче, туга исполнить прииде.
Прибыток примеши и неначаемая радость. — Рече Господь человеку: егда орел остареется и слетит орел выше облака во время свое и ударится о бел камень; тогда обновится орел и будет млад; так ты, человече, потрудися: труда твоего Бог не покинет. Бог тебе на помощь.
Истинно есть дело твое. — Рече Господь человеку: дому твоему подобает святыни, Господи, в долготу дней.
Истинно дело твое. — Человече, дому твоему подобает святыня, Господи, в долготу дней. От труда покой обрящеши, добро ти будет. Бог тебе на помощь.
Велми попецися о деле сем, будет добро. — Рече Господь человеку: не ходи в совет несмысленных, уклонися от зла и сотвори благо. Орудие твое по печали в благо совершится.
Видех человеки превозносящихся и высыщаяся яко кедры ливанские и мимо идех и се не бе взысках его. Не печалуйся, враги твои не могут противитися тебе. Вельми добро есть дело твое. Бог тебе на помощь.
Не начайся орудия сего, не добро. — Рече Господь человеку: человече, злый враг, супостат твой, зрит на тебя яко огнь на огня, хощет тя изъясти скоро и напрасно.
На добро дело твое будет. — Господи Господь наш, яко чюдно имя твое во всей земли.
Попекися о деле сем, добро будет. — Рече святый архангел: человече, не кайся, ни в печаль мечися; его же хощеши, восприимеши. О нем же вопрошаеши, надежду имаше добру; а что если мыслиши на сердце своем, то и сотвори, сии вся примеши. Бог тебе на помощь.
Не возносися, человече, но смирися. — Рече святая Варвара: человече, не буди напраслив, не уповай на душу свою. Со упованием твори: добро ти будет; и о нем же вопрошаеши, удержи, блюди чисто неврежден смысл, примеши, себе похвалиши.
Жены-мироносицы приидоша ко гробу Господню; рече женам ангел: что живаго с мертвыми ищете? В сей день воскресе. И возрадовася жены Христову воскресению; так ты, человече возрадуешься орудию сему.
Хвалу имать дело твое, печально есть. — Рече Господь человеку: попечалуйся о деле сем. Трудно и печально есть дело, не добро есть ни в пути, ни в дому. Человече, лишися орудия сего, зло есть.
Печально есть дело твое, не радостию совершится. Рече святый Никита: человече, печалуешься и тужиши, и дару у Богу просиши. Но по печали радость будет. Бог тебе на помощь и святый Никита во орудии сем.
По печали в радость придет; добро дело. — Рече Господь: человече, всех честь получиши и всех кормити; благ и тебе даст Бог изобильно. Бог тебе на помощь.
Что себя, человече, хулишь и стонешь? От Бога ти добро есть. Бог на твое дело наставит; добро ти будет Бог на помощь.
Яко же просиши и мыслиши, человече, помыслы твои сбудутся.
Господь всех человек кормит, благодать по вся дни с прибытком. Человече, насытишися во орудии сем. Бог тебе на помощь.
Пространно время, человече, возвещает неключимы, имаши бо, человече, казни и недруга, и ты не бойся лукавых словес его и лести, поимей путь истинный.
Три суть ангелы Божии: первое обрящеши благодать, второе от добра нрава, третье от Бога с прибытком и с радостью примешь.
Никако же, человече, имаши все, не пекися: Бог тебе даст и наставит тя на дело благое.
Лют путь — отбежи и велик мятеж и скоро примеши. Бог ти на помощь.
Лишися плода земного, человече; аще пождеши, воспримеши доброту.
Прия, человече, напрасное дело, твое орудие — всем врагам твоим мятеж: веруй [Спасу Христу]; от печали в радость.
Николи же человече, скорби во орудии сем, о нем же молися Богу. Заступит тя Господь, рассыпает радость твою, угасит огонь лютый.
Безсоблазнством вопрошайся, человече: хощеши орудия сего, да не вечно будет в животе сем скончася.
Неуморив Бог твой; смотри себе, человече, у друга своего свое орудие; победиши супостата своего, то врази твои прелесть деют.
Что всуе трудишись? и ты отступи орудия сего: будет ти велик убыток; лишись орудия сего — без печали поживешь.
Бежит заяц, и впадет в тенета, и выдерется, и возрадуется заяц о воле своей, тако и ты возрадуешься орудию сему. Бог тебе на помощь.
Не уповай ни на кого: Бог ти помощник; егда всем обладаешь на сердце, человече, имееши речи, враги твои падут под ногами твоими.
Уповай на Господа, помысел твой будет, человече; врази твои вредятся.
Что, человече, трудившись, сам в печали влагаешись? многие неправды и суды являются.
Грядя аки тур на горах, одолеешь спорников твоих.
Уповай, человече, всем добро дееши. Не печалуйся и веруй с надеждою.
Виноград добро время начав без печали пожнешь; пророк сказал: своим спасешися.
Бог тя помощник, человече; даст ти надежду добру. Бог твой венец прият и помысел твой, но буди тчив.
Учению наследуешь благому, добро будет; человече, обогащаеши сам себе, труд приимеши и ничтоже творя, блюди, труды на конце будут.
Ныне время начинати всякое дело всякому человеку, приимеши радостную жизнь с Богом, надежда добра будет.
Ловец убо мрежу[13] вверже в море и ждет извлещи ее; ныне человече, благ ты во орудии сем.
Не искусиши, человече, токмо точию дело се; имей Бога помощника и молися ему.
Рече Господь: человече болящему исцеление сие, печальных помощник от худа, человече, идеши на добро. Бог тебе помощник.
Трудно есть дело твое и мятежно. — Се житие блудно и душа прелюбодейна, тело же скверно, ум нечист, дела неподобны.
Рече Господь человеку: орудие сие с радостию получиши себе. Бог тебе помощник.
Рече Господь человеку: орудие твое мир имать во всяком деле. Бог тебе помощник и пособник.
Псалом под номером 151 не имеет толкования, поэтому на случай, если он вам попадется при гадании, приводим его полный текст по православному изданию Библии.
Поделиться книгой: