Помоги проекту - поделись книгой:
Покайся, да не внидоши в напасть. — Рече Господь человеку: ты мыслиши на сердце своем злую мысль — несть пользы в ней. Уклонися от нее, сотвори благо. Бог тебе на помощь. Аще не сотвориши добра, несть ти пользы.
Не будет орудия сего тебе. — Град есть каменен, вереи железны, врата медные твердо заключены. О, человече, не ступай на острое оружие, не погуби души своей, от зла; лишишься орудия своего; несть ти пользы.
Услышит Господь молитву твою. — Рече пророк Иона человеку: возопих в печали моей ко Господу Богу моему, услыша мя из чрева адова вопль мой.
Пожди, дело твое будет добро. — Рече Господь: приложися скотом несмысленным и уподобися им. Орудие сие в неразумии погибель содеивает; аще покаешься от сердца чиста, по печали ти радость будет.
Скоро будет дело твое тебе. — Рече Господь: человече, о деле сем попечалуйся; есть труд в деле сем, и удиви Господь, да надежда добра явится: по печали радость будет. Бог тебе на помощь по орудии сем.
Покоромно орудие твое, да зла много отъядет от тебя. — Прииде Господь к жене-самаряныне: дай же ми воду пити; аще бы ведала дар Божий, дал бы ти воду живу. Возрадовася жена-самаряныня словеси Господню: тако ты, человече, возрадуешься орудию своему. Бог тебе на помощь.
Его же просиши, будет ти не добро. — Рече царь Давид человеку: аще не Господь созиждет дом, всуе трудишася зиждущий.
Покровенно дело се. Якоже мыслиши, человече, на сердце, на тя врази мнози аки звери зубы на зверя скрепчут, разбойник меч вострит; так ты, человече: мнози врази на ти помышляют, их же не бойся: врази твои падут под ногами твоими; от них Бог спасет и избавит тя.
Се дело не приходит ти. — Тако глаголет святый Марко-евангелист: человече, во глубинах морских ходяши, самому спалитися имать; отойди от дела сего, да не погибнешь во орудии сем.
Тайно дело се со страхом являет. Рече святой Иоанн человеку: якоже пчела летит на красен цвет, в погодие со древа собирает медвяную сладость святым церквам на свечи, и на канон, а князьям и боярам на утеху, а крестьянам на прибыток; тебе человече, по печали радость. Бог тебе на помощь и святый Иосиф.
Тайное явлено будет; лихо сказание. — Рече Андрей апостол: волхв окаянный, окаянны твои дела, пути промеж тебя водят бесы, по три растяжки железных со стороны ти пропасть, а по другую бездна, да не лишися, там тебе уготовано место за твои окаянные дела. Несть ничего ти на пользу.
Попечися о деле своем, и с трудом спасен будешь. — Рече Господь человеку: почто, человече, печалуешься во великой печали? Аще от сердца покаешься и спросиши дара от Бога, и милость примешь. Бог тебе на помощь.
Дело борзо будет вельми. — Святые Борис и Глеб стоят над Русской землею, светят святыми своими венцами, воздают почести русским князьям и поведают похвалу. Падут все врази под ногами их; так ты, человече, врази твои падут пред тобою, а ты возрадуешься. Бог тебе на помощь и святые Борис и Глеб во орудии сем.
Се дело печально, изыдет на добро. Рече Господь: апостоле Фоме, нек буди мне неверен, но верен, не падеши исторжен от зверей и от лихих рук человеческих, но от злых языков врагов мятеж будет; так тебе, человече, многие мятежи будут. Бог тебе на помощь и святый Фома.
Его же просиши, и будет тебе, дело твое добро. — Рече Господь человеку: сия уготованная благая, земная, плодовитая [жизнь]; ветры перестанут, море утихло, солнце светло всех осияет: тако Бог тебе на помощь сотворит; орудие все добро и корыстно. Бог тебе на помощь.
Не труждайся без ума, не добро орудие се. — Град есть каменен, вереи железные, врата медные твердо заключены. О, человече, не ступай на острое оружие, не погуби души своей, отступи от зла; лишишься орудия своего; несть на пользу, не добро.
Его просиши, зол совет, а дело се не добро. — Святый Трифон ездит на поле, взяв с собою зла сокола; изымает сокол птицу, вострепенется птица у сокола и воскрича; так и ты, человече, многие врази на тебя в деле зло сем помышляют, человече, лишися орудия сего, ненависть.
Помолися Богу, дело твое добро будет. — Святый Димитрий Солунский рече: человече, есть у тя врази и супостаты; возьми орудие свое и пойди на них; и врази твои падут под ногами твоими, одолеешь их. Бог тебе на помощь и святый Димитрий Солунский.
Рече, человече, чаеши, будет ти дело, если мыслиши. — Рече Господь человеку: печален муж, идя ко престолу Господню со свечою, с просвирою и с Каноном, и даст ему Господь милость Свою у престола славы своея, венец Царства Своего, так и ты, человече, от печали в радость великую придешь и примешь. Бог тебе на помощь.
Трудно есть дело, от печали в радость сбудется. — Прииде Господь к жене, проси воды питии и рече жене: аще бы ведала дар Божий, дал бы тебе питии воду живую. Возрадовалась жена словеси Господню; так и ты, человече, возрадуешься орудию своему. Бог тебе на помощь.
Се трудно и печально, но в радость сбудется. — Взыде Господь на гору Фаворскую со ученики Своими и повел Господь воду исчерпати и благослови воду в вино, и возрадовались ученицы Господню словеси и благословению, так ты, человече, возрадуешься своему орудию. Бог тебе на помощь.
Скорбно и печально, о человече, орудие сие будет. Яко ластовица совьет себе гнездо в прутие березове и воскормит дети, и пояст их змея, и вострепенется ластовица, и сяде верх сыра дерева, горько плачучи, так и ты, человече, вострепещешься в тот день, не время ти сбудется орудия сего.
Аще ускори, будет ти, еже мыслиши. — Тако глаголет ангел Иосифу: восстани ими отроча и матерь и бежи в Египет; избудеши от печали в радость; от смерти в живот придеши; тако и ты, человече, орудию возрадуешься. Бог тебе на помощь и святый Иосиф во орудии сем.
Дело твое печально есть и мятежно, не добро. — Люту ветру дышущу, велику пагубу являет; дерево зеленое, листвие у него уныло, так и ты, человече, сказует не добро, лишишься орудия своего.
Аще поспеши одолеешь, добро есть дело. — Святые Козьма и Дамиан рече человеку: что мыслиши на сердце своем, твори с радостью; не будет пакости в деле сем. Бог тебе на помощь и святые Козьма и Дамиан.
Дело се ненависть имать, явлено будет. — Прежде распятия твоего, Господи, отпадения миру милость твоя, Гсподи, на земли; так ты, человече, всуе мыслишь о деле сем.
Не страшися орудия сего. — Святый Фаддей рече: не расторжен будеши от рук человеческих, ни от зверей, не бойся, человече, орудия сего. Бог тебе на помощь и святый Фаддей.
Доброе дело твое. — Святый Николай избави трех мужей от смерти и возрадовашася три сиих мужа; так и ты, человече, возрадуешься орудию сему. Бог тебе на помощь.
Соломон царь рече: не труждайся без ума, покорися. Воробей у ястреба дерется из когтей; тако и ты, человече, имаши дратися из рук человеческих; не твори, человече, лихо есть.
Много и мятежно будет. — Рече Господь человеку: восприял еси вся птица по воздуху, тако и твое орудие добро будет; несть супротивника, что мыслиши твори.
Его же хочеши будет ти добро. — Человече, мыслиши злую мысль от врагов твоих, несть от них пакости. Бог тебе на помощь.
Потерпи, будет ти добро. Человече, мыслиши злую мысль, уклонися от зла во благо, а не сотвориши добра, несть ти пользы в деле сем.
Потерпи будет ти добро. — Человече, что помыслил, твори; доброе орудие твое, а едет на дальнюю страну, примет великую радость и прибыток.
Многомятежно, егда случится добро. — Человече, имаши от Бога милость, а врагов многих, восстающих на тебя, не тужи. Бог спасет тебя от них; после печали радость будет.
Несть тайно, явлено будет недобро. — Рече Господь: отверзни злую мысль и обрящи радость от печали; аще не отстанешь злых мыслей, несть пользы и смертию умрешь.
Мыслиши, получишь ты милость. — В малы времена над многими тебя поставлю. Многого добра исполнен будеши, а напоследок добро тебе будет. Бог тебе на помощь.
Измени мысль свою недобру. Злый рабе, не верный! Многа добра лишен будеши и тьме кромешней предан будеши, и много зла пострадаешь, и несть ти пользы
Дело се добро будет, благую часть имать. — Рече Господь: любите враги ваша, добро творите ненавидящим вас, не лишайся, да примеши, мзду от Бога получиши.
Радость и честь на деле твоем будет. — Рече Господь: егда в болезни рождает жена дети, и по рождении возрадовася; так и дело твое совершится, доброе есть дело, Бог тебе на помощь.
Добро есть, на радость приходит. — Рече Господь человеку: имаши мысль свою. Господь тебе помощник, будет добро и радостию совершится.
Жестоко орудие твое будет. — Рече Господь: человек яко трава, дни его как цвет сельный, тако отцветет, яко дух пойдет в нем и не будет, и не познает к тому места своего. Во орудии сем прообразует кончину; не добро есть.
Подожди, человече, не поспеши, скорбно есть оружие се. Рече Господь человеку, идущу путем, сторону пропасть, в другую бездна; зла много пострадати в орудии сем; человече, не твори, возбраняет ты, не твориши ми, несть ти пользы.
Се орудие вскоре сбудется, добро есть. — Рече Господь: человече, житейстем, даже торг не разыдется, ку-пити есть время и продати, аще ли умедлиши, торжники разыдутся; да чем душу питаеши; человече, вскоре устрои. Дело се добро ти будет. Бог тебе на помощь.
Покорися, будет все добро дело. — Рече Господь: человече восприял еси благая в животе своем; наследника воспримеши зло, орудие радостию совершится. Бог тебе на помощь. Добро ти будет.
Бойся, человече, Бога, будет ти добро. — Рече Господь человеку: спеши слезами, и радости пожнешь; не скорби, человече: добро орудие твое будет, совершится от печали в радость. Бог тебе на помощь.
Его же мыслиши, то не добро будет. — Рече Господь: человече, веси ли в кий час придет тать, подкопает дом твой и расхитит сокровище твое; не обрящеши во орудии сем погибшего; нести ти пользы, лишишься орудия сего; не твори его.
С трудом орудие сбудется и добро есть. — Рече Господь человеку: молния освещает весь мир, гром грянет, мнози люди устрашатся; и к тебе, человече, скоро беды и печали придут; не отчаивайся — вскоре ти радость будет. Бог тебе на помощь.
Тяжко дело твое и мятежно будет ти. — Рече царь Давид: аще не Господь хранит град, всуе трудишася зиждущий.
Покайся, добро ти будет, все добро. — Рече пророк Иона: возопих в печали моей ко Господу Богу моему; и услыша мя из чрева адова вопль мой, услышал еси глас мой.
Поделиться книгой: